Vit í Kvívíkar skúla ynskja tykkum øllum eina góða summarferiu. Skúlagongdin byrjar aftur mikudagin 12. august 2026
Kvívíkar skúli 50 ár
Í sambandi við 50 ára dagin verður hátíðarhald á skúlanum hósdagin tann 27. august 2026.
Næmingarnir møta sum vanligt kl. 8.00 og fáa frí kl. 11.20. Tað er ikki neyðugt við skúlatasku henda dagin. Vit fara at hátíðarhalda dagin saman og kl. 10.00 bjóðar skúlin kakao og bollar til allar næmingarnar.
Kl. 14. – 18.00 verður opið hús, har skúlin bjóðar inn til lagkøku, kaffi og te.
Øll eru hjartaliga vælkomin, og tað hevði glett okkum at sæð bæði fyrrverandi næmingar, avvarandi, starvsfólk og aðrar samstarvsfelagar til eina hugnaliga løtu í skúlanum.
Á degnum verður búmerkið, sum Kvívíkar kommuna hevur latið skúlanum, avdúkað. Kl. 15.00 verða talur, sangur og framløga um nýggja búmerkið. Føðingardagurin endar við konsert í skúlagarðinum, sum byrjar kl. 17.00
Mikudagin tann 10. juni kl. 17.00 - 19.00 bjóðar skúlastýrið til foreldrafund og garðdag.
