Námsfrøðiligt starv í Kvívíkar skúla

Kvívíkar skúli søkir eftir námsfrøðingi 20 tímar um vikuna í tíðaravmarkað starv skúlaárið 2023/24.

Vit søkja eftir tær sum undir ábyrgd leiðslunnar og í samstarvi við starvsfólk skúlans er fúsur at taka lut í dagliga virksemi skúlans. Vit leggja dent á, at tú sum námsfrøðingur

• vil fevna ymiskleikan, styrkja felagsskapin og stimbra hugin at læra hjá tí einstaka næminginum
• er stundvísin, fyrikomandi og sýnir ein jaligan hugburð til næmingar, læru og menning
• dugir væl at samstarva og samskifta
• hevur áræði til at taka ábyrgd og tekur virknan leiklut í áhaldandi fakligu og námsfrøðiligu menningini av Kvívíkar skúla

Sum námsfrøðiligur stuðul í grunddeild er høvuðsuppgáva tín at stuðla næmingum við tí fyri eyga, at næmingarnir megna gerandisdagin í skúlanum, mennast og læra, og verða stimbraðir til at taka lut í felagsskapinum.  Harumframt ynskir tú at taka ein virknan leiklut í Betri vinir verkætlanini saman við læraratoyminum.

 

Í Kvívíkar skúla ganga 66 næmingar, frá 1. til 7. flokki, og tú verður partur av einum dugnaligum starvsfólkahópi, ið telur 8 fólk. Komandi skúlár verður grunddeild partur av trivnaðarátakinum ”Betri vinir í grunddeild”, ið verður skipað sum ein verkætlan millum skúlan, Nám, Lærarafelagið, Barnabata og Undirvísingarstýrið.

Lønar- og setanartreytir

Námsfrøðiliga starvið er tíðaravmarkað til skúlaárið 23/24 á 880 árstímar, lønarbrot 0,5.

Fyrimunur er, um umsøkjarin hevur námsfrøðiliga útbúgving. Starvið kann vera skipað sum hjálparfólkastarv.

Námsfrøðiligu stuðulstímarnir í skúlanum verða løntir sambært sáttmálanum millum Fíggjarmálaráðið og Føroya Pedagogfelag.

Barnaváttan verður kravd í samband við allar setanir í Kvívíkar skúla

Hevur hetta fangað tín áhuga, frætta vit fegin frá tær. Umsóknir við CV, avrit av prógvum og møguligum ummælum skulu vera skúlanum í hendi í seinasta lagi mikudagin 28. juni 2023 kl. 12.00. Samrøður verða í viku 26.

Umsóknin verður stílað til Rudi Olsen, fyrstalærara á This email address is being protected from spambots. You need JavaScript enabled to view it. og merkt ”starv”. Nærri fæst at vita um starvið við at ringja til Rudi Olsen á tlf. 292422