Starvslýsing

billede2

 

 

 

 

 

 

 

 

Tað grør um gangandi fót

Kvívíkar skúli stendur í vøkstri, og søkja vit til skúlaárið 2024-25 eftir

  • 2 lærarum í fast starv
  • 2, møguliga 3, lærarum í tíðaravmarkað starv skúlaárið 2024/25 vegna avlops-, stuðulstímar vm. 

Komandi skúlaár ganga 70 næmingar, frá 1. til 7. flokki, í Kvívíkar skúla. Skúlin liggur serstakliga náttúruvakurt í gangifrástøðu frá Leynasandi, einum hanagleivi frá Stórá - ið rennur gjøgnum bygdina og hvønn dag hitar okkum sinn og skinn við vatnorku - og við okkara egna kálgarð. Miðdeild hevur kálgarðin um hendi í einum tvørfakligum samstarvi millum viðkomandi lærugreinar.

Harumframt eru vit partur av trivnaðarátakinum ”Betri vinir í grunddeild”, ið verður skipað sum ein verkætlan millum skúlan, Nám, Lærarafelagið, Barnabata og Undirvísingarstýrið.

 

 

Vit søkja eftir tær

sum undir ábyrgd leiðslunnar og í samstarvi við starvsfólk skúlans er fúsur at taka lut í dagliga virksemi skúlans. Vit leggja dent á, at tú sum lærari

  • vil fevna ymiskleikan, styrkja felagsskapin og stimbra hugin at læra hjá tí einstaka næminginum
  • er stundvísin, fyrikomandi og sýnir ein jaligan hugburð til næmingar, læru og menning
  • megnar at samstarva og arbeiða tvørfakligt
  • hevur áræði til at taka ábyrgd og tekur virknan leiklut í áhaldandi fakligu og námsfrøðiligu menningini av Kvívíkar skúla

 

Til virksemi skúlans tørvar okkum komandi skúlaár

Ein leiðara til Førleikastovuna. Vit vænta, at tú hevur útbúgving og/ella royndir sum serlærari ella aðrar viðkomandi royndir/førleikar.

Flokslærarar í grund- og miðdeild við linjulestri, ella samsvarandi førleika, í føroyskum ella støddfrøði, og sum ynskja at taka ein virknan leiklut í Betri vinir verkætlanini.

Lærara, ið brennir fyri at kveikja lesihugin hjá næmingunum, og ynskir at vera við í menningini av bókasavninum. 

Lærara við linjulestur, ella samsvarandi førleika, at undirvísa í onkrari ella fleiri av hesum lærurgreinum í 1. til 7. flokki:

Føroyskt, rokning, náttúra og tøkni, alisfrøði, ítrott, handaverk og list, sang, enskt og danskt. 

Tað kann vera ein fyrimunur, um tú kanst syngja fyri og spæla undir til morgunsang og sangløtur. 

 

Til øll omanfyri nevndu virksemi, søkja vit lærarar ið hava læraraprógv og hug og hegni at undirvísa í vanligu lærugreinunum í barnaskúlanum.

 

Lønar- og setanartreytir

Lærarastørvini  verða sett sum sáttmálasett størv, uttan so at tann, sum settur verður, er tænastumannasettur lærari frammanundan. Størvini verða lønt  í lønarflokkunum 18.1 – 29.2 sambært avtalu millum Føroya Lærarafelag og Fíggjarmálaráðið. Tímatalið á tíðaravmarkaðu størvunum verður endaliga ásett 01.09.24. Barnaváttan verður kravd í samband við allar setanir í Kvívíkar skúla.

 

Hevur hetta fangað tín áhuga, frætta vit fegin frá tær. Umsóknir við CV, avrit av prógvum og møguligum ummælum skulu vera skúlanum í hendi í seinasta lagi fríggjadagin 14. juni 2024.

Umsóknin verður stílað til Rudi Olsen, fyrstalærara á This email address is being protected from spambots. You need JavaScript enabled to view it. og merkt ”starv”. Nærri fæst at vita um starvið við at ringja til Rudi Olsen á tlf. 292422

Kvívíkar skúli

Frammi í Gerði 6
340 Kvívík

Skúlaleiðari: 292422
Lærarar: 662424 / 292424
Førleikastovan: 662421
kvi@skulin.fo

 fb 2023

Fylg okkum á Facebook